Deewaar
Scene #4 - Aap chaahe to mujhe is jurm se rok sakte hain
At the protest demonstration.
Workers:
Humaari maange poori karo. Humaari maange poori karo. Humaari maange poori karo. Humaari maange poori karo. Humaari maange poori karo. Humaari maange poori karo. Humaari maange poori karo. Humaari maange poori karo. Humaari maange poori karo...Worker:
Arey ee dekho. Yeh hai woh sasura Keshav ka dalaal. Arey, chamche...Munim:
Bhaiyo, bhaiyo. Seth log aapse samjhauta karne ke liye taiyyaar hain. Aap log apne leader ko bhej deejiye jo aap sab ki taraf se dastkhat kar sake.Workers:
Anand Babu, zindabad. Anand Babu, zindabad.
Seth Bhadriprasad:
Aiye, Anand Babu.
Anand Verma:
Namaste, sethji.
Seth Bhadriprasad:
Baithiye. Maine samjhaute ke kaagazaat taiyyaar karva liye hain. Yeh dekhiye.
Anand Verma:
Mazdooro se baat kiye bina hi aapne samjhaute ke kaagazaat taiyyaar karva liye?
Seth Bhadriprasad:
Aap file dekhne ke baad dastkhat keejiye.
Has an annoyed time while flipping through the file.
Anand Verma:
Sethji, kya aapne yeh mazaak karne ke liye mujhe andar bulaya tha? Is file mein tamaam wohi baatein hain jinpar main pehle bhi dastkhat karne se inkaar kar chuka hoon.
Seth Bhadriprasad:
Anand Babu, aapne ab poori file nahi dekhi. Ek panna aur ultiye, dekhiye to sahee.
Sees a photo of his wife and kids captured by some goons.
Anand Verma:
Sethji!
Seth Bhadriprasad:
Anand Babu, main business man hoon. Mujhe bhi yeh hathkande pasand nahi, lekin kabhi kabhi aap jaise aadmi mujhe majboor kar dete hain.
Anand Verma:
Mere biwi bachche kahan hain?
Seth Bhadriprasad:
Jahan bhi hain, abhi bahut aaraam se hain.
Anand Verma:
Aap jaante hain Sethji ki aap kitna bada jurm kar rahe hain?
Seth Bhadriprasad:
Ha ha ha ha. Aap chaahe to mujhe is jurm se rok sakte hain. In kaagazaat pe dastkhat kar deejiye. Kal aapke biwi bachche hifaazat se aapke ghar mein pahunch jayenge.
Anand Verma:
Aur agar main dastkhat na karu to?
Seth Bhadriprasad:
Aur to kuchh nahi, sirf is tasveer ke tukde tukde kar doonga main.
Anand Verma:
Tum mujhe dhamki de rahe ho?
Seth Bhadriprasad:
Ha ha ha ha ha ha ha ha ha. Is aadmi ko shaayad tum nahi jaante. Is ko Bachan Singh kehte hain. Do baar jail jaa chuka hai aur woh bhi khoon ke ilzaam mein. Ek baar to isne saat saal ke bachche ka gala daba diya tha.
Anand Verma:
Bhadriprasad!!
Seth Bhadriprasad:
Sun raha hoon.
Anand Verma:
Mujhe apne biwi bachche chaahiye.
Seth Bhadriprasad:
Aur mujhe dastkhat chahiye.
Has a hard time in making a decision, but finally puts the signature. Then, goes outside.