Deewaar
Scene #18 - Yeh duniya ek third class ka dibba ban gayi hai
At a clothes shop.
Store owner:
Manager saahab, gyaarah baj gaye. Woh ladka abhi tak nahi aaya. Thaara kya khayaal hai? Chance de de?Store manager:
Jee haan, isey rakh leejiye.Store owner:
Dekho bhaiye, humne salesman to rakh liya tha. Par manne aisa laage thaare bhaagya mein thi naukri.
Ravi Verma:
To sethji, kya main samjhoo ki yeh naukri mujhe mil gayi?Store owner:
Manne kaha, angrezi to bol liyo barobar?
Ravi Verma:
Jee haan, bol leta hoon.Store owner:
Bas to bhagwaan ka naam lekar aaj se kaam chaalu kar do. Manager saahab, inhe kaam samjha do.Store manager:
Jee, bahut achhe.
Ravi Verma:
Sethji, aapka bahut bahut shukriya.Job applicant:
Namaste, sethji.Store owner:
Namaste.Job applicant:
Maaf keejiye, main thoda late ho gaya.Store owner:
Thoda nahi, bhaiye, bahut late ho gaya. Hum to samjhe tum aaoge nahi aaj. Isliye humne inko naukri de dee. Kyon, manager saahab?Store manager:
Haan, haan.Store owner:
Haan.Job applicant:
Sethji, aisa mat keejiye. Main bahut takleef main hoon. Darasal, aaj bus ke ticket ke paise bhi nahi the jeb mein. Paise laane mein zara sa late ho gaya.Store owner:
Woh to theek hai. Magar humne to isko rakh liya hai.
Ravi Verma:
Lekin, Sethji, aapne yeh bataaya nahi ki tankhwaah kitni hogi?Store owner:
Saadhe teen sau de, bhaiye.
Ravi Verma:
Sirf sadhe teen sau? Huh, sethji, saadhe teen sau rupye ki naukri karni hoti to kab ki kar leta.Store owner:
Thaara kya matlab hai? Saadhe teen hazaar de de?
Ravi Verma:
Nahi, phir bhi yeh matlab to nahi ke... Khair jaane deejiye, sethji. Mujhe aapke yeh saadhe teen sau rupye ki naukri nahi chaahiye. Thank you.Store owner:
Manager saahab.Store manager:
Jee?Store owner:
Isko naukri de do.Job applicant:
Bhaisaab. Suniye, main...
Ravi Verma:
Mubarak ho.Job applicant:
Bhaisaab, main, main kya kahoon aap se, main...
Ravi Verma:
Ab kya kare. Yeh duniya ek third class ka dibba ban gayi hai. Jagah bahut kam hain, musaafir zyaada. Main baith jaata, tum khade rehte. All the best.Job applicant:
Thank you.
At home.
Sumitra Devi:
Ravi, tu ab tak soya nahi, beta?
Ravi Verma:
Nahi, maa, tum so jaao.
Sumitra Devi:
Yeh kya likh raha hai?
Ravi Verma:
Jahan naukriya khaali hai na, un daftaro mein arziya bhej raha hoon.
Sumitra Devi:
Raat bahut ho gayi hai. Ab so jaa. Dekh subah hone wali hai.
Ravi Verma:
Huh? Subah abhi kahan hone wali hai, maa? Subaah to us din hogi jab har kisee ke paas kaam hoga, ghar hoga, koi footpath pe nahi soyega, gehoon black mein nahi bikega.
Father's speech in the background.
Ravi Verma:
Aur jab woh subah aayegi na, maa... Bas, yehi nuksaan hai akhbaar padhne ka. Achha khaasa insaan bhaashan dene lagta hai.
Sumitra Devi:
Achha, achha, ab so jaa.
Mother puts blanket over Vijay. Tear drop falls on his arm which is tattoed with 'Mera Baap Chor Hai'.
In the train.
Train passenger:
Aaj kal rail ka safar bhi ek museebat ho gaya hai. Ha ha ha. Bhaisaab, aap kahan jayenge? Main poochh raha hoon, bhaisaab aap kahan tak jayenge?