Agneepath
Scene #5 - Agar aap sach much mard hain
An angry teacher walks towards a brothel.
Dancer:
Aaa, aaa, aaa, aaa, aaaah. Kisko bataaye, kaise bataaye, kisko bataaye, aaj ajab hai dil ka aalam.
The teacher breaks in.
Student:
Arey, masterji!
Dinanath Chavan:
Meri shiksha, meri taleem ka yehi phal diya hai tumne? Maine tumhe maa ke kadmo ke neeche swarg dhhondhne ka paath padhaaya, aur tum tawaif ke kadmo ke neeche nark dhoondhne chale aaye ho? Baahar niklo is bhatti se, jahan insaan ki insaaniyat, uska charitr, sookhe ghaas ke tinko ki tarah jalkar raakh ho jaata hai. Nikal jaao yahan se.
He turns towards the prostitute.
Dinanath Chavan:
Tum kayee ghar tabaah kar chuki ho, jawaano ki zindagi se khel chuki ho, aur ab bacho ko apne paap ka shikaar bana rahi ho? Sharam aani chahiye tumhe.Dancer:
Sharam? Sharam kaisi, master? Yeh kotha to mardo ka hi sajaaya hua hai. Majboor aurto ke pairo mein ghunghroo baandhkar, unhe tawaif, mard hi to banaate hain.
Dinanath Chavan:
Bakwaas mat karo. Buzdil hota hai woh insaan jo doosro ke bataaye huye paap ke raaste par chalkar apni sharaafat ko apne pairo tale raund daalta hai.Dancer:
Kinaare par baithkar, toofan ke baare mein bhaashan dena, bahut aasaan hai, master. Agar aap sach much mard hain, to badhaiye haath aur kheench leejiye is naachnewaali ko is paap ke toofan se baahar.
The teacher looks lost. The prostitute shakes her bangles to wake him.
Dancer:
Agar aap wakeyi satyavaadi hain, to le aaiye un kitaabo ko is kothe par jinse aap saare duniya ko punya ka paath padhaate hain.
At his house, the teacher, sitting on a swing, remembers her words.
Dancer:
Agar aap sach much mard hain, to badhaiye haath aur kheench leejiye is naachnewaali ko is paap ke toofan se baahar.
He listens to his children studying and rushes in anger towards his daughter.
Dinanath Chavan:
Abhi tak tumhe ka, kha, ga yaad nahi hua? Naalaayak.
The boy comes in his father's path, defending his sister.
Vijay:
Pitaaji! Pitaaji, isey mat maariye. Galti meri hai. Main isey theek se padha nahi saka. Laaparwaahi meri hai. Mujhe maariye, pitaaji.
The teacher drops his stick and looks at his son, in admiration.
Dinanath Chavan:
Bete, apni behen ki galati par tu maar khaayega?
Vijay:
Aap hi ne to samjhaaya tha ki yeh jeevan hai agneepath, agneepath, agneepath. Is raaste pe chalte huye doosro ka bojh uthaana bhi pade, to uthaao.