Agneepath
Scene #22 - Bhookh mitaane ke liye koi roti nahi khaata
At the nurse's house.
Mary Mathew:
Aap? Kaise aana hua?
Vijay Dinanath Chavan:
Woh, idhar se guzar raha tha, tumhara ghar beech mein aa gaya. Khaana milega?
Mary Mathew:
Haan! Aap, aap baithiye. Main laati hoon.
As he sits down to eat, Vijay remembers his mother's words.
Suhasini Chavan:
Apne haath dho le. Tere haath itni jaldi nahi dhul sakte, Vijay.
He leaves the table, pushing the plate away.
Vijay Dinanath Chavan:
Nahi khaa sakta yeh roti, nahi khaa sakta main. Yeh, yeh, yeh roti khareed ke, chheen ke, bheekh maang ke mil sakta hai tumko. Magar bhookh mita de, yeh jaroori nahi hai. Abhi dekho, uhh, bhookh mitaane ke liye koi roti nahi khaata. Bhookh marta hai, uh, roti mein, roti mein nipte pyar se, pyar. Maheeno bhar baad, main maa ke ghar gaya. Uske haath ka khaana achha lagta hai mujhe, bahut achha lagta hai. Magar khaana khaa saka? Nahi. Khaane ke table se uth gaya main. Malum kyon? Woh samajhta hai main jo karta hai, galat karta hai. Abhi tum bolo, kyon na karoo main? Kyon na karoo? Mere saath kaun sahee kiya jo main sahee karoo? Koi sahee kiya? Nahi kiya. Itna, itna sa tha main, apne aankh ke saamne, aankh ke saamne baap ko marte dekha. Kya gunah tha uska? Koi nahi. Phir? Akeyla is kandhe pe ghaseet kar le gaya, laash ko, shamshaan tak. Ek laash nahi jalaaya main us din, do jalaaya, do. Ek apne achhe baap ka, doosra uska achha beta. Malum? Mar gaya. Mar gaya maa ka woh beta. Dhoondhti hai. Nahi milne waala abhi woh achha beta, nahi milne waala. Vaanda nahi. Naa de mereko roti jiska mere ko bhookh hai. Utha de mere ko khaane ke table par se, par main master Deenanath nahi banega. Nahi banega main master Deenanath. Yeh, yeh sab main tumko kaiku bolta hai, malum? Nahi malum. Main bataata hai. Woh haspataal mein tum mera dekhbhaal kiya, tumhara aadat pad gaya, haan. Aise hi, yeh, guzar ke, idhar, nahi aaya. Woh main jhoot bola tum ko. Maa ke ghar se nikalne ke baad mereko laga ki tumhare paas mere ko aaraam milega, isliye idhar aaya, isliye. Abhi thak gaya main, bahut thak gaya.
Mary Mathew:
So jaaiye, subah baat karenege.
She goes into the room to get a mattress and pillow, only to find Vijay curled up on a couch, already asleep.
Next day, Vijay brings Mary to show the village at a distance.
Vijay Dinanath Chavan:
Yehi hai woh gaav. Ek din maa ko yeh gaav vaapis deneka hai. Yeh gaav, jidhar se maa ko nikaala, vaapis deneka hai.
Nathu / Kaka:
Arey, aa gaya re mera Vijju beta. Mera beta aa gaya, Vijju. Beta, beta, woh, woh tame aa gaya na?
Vijay Dinanath Chavan:
Haan, kaka, tame aa gaya.
Nathu / Kaka:
Uh, huh, huh huh, huh huh.
Vijay Dinanath Chavan:
Aa gaya tame.
Nathu / Kaka:
Uh, huh huh huh huh. Aye, huh, huh. Saala haraami log. Tum log master ka jaan liya na, usko patthar maar maar ke? Abhi hum maarega, hum, saala kutreya log. Haraami.
He throws stones at the village.