Agneepath
Scene #33 - Saala bandook bhi dikhaata hai aur peechhe bhi hatata hai
Nathu / Kaka:
Mar gaya saala kutreya haraami, mar gaya. Arey maaro. Tod do saale ka ghar. Maandva chor. Maandva churaane ko aaya tha. Maaro. Saala. Geyla saala haraami. Mar gaya saala haraami kutreya.
Kaancha Cheena arrives in a car.
Kancha Cheena:
Yeh, kya kiya tumne?
Vijay Dinanath Chavan:
Saanp aur nevle ke ladaai mein saanp marta hai, Kaancha.
Kancha Cheena:
Saanp to mar gaya. Ab us nevle ki baari hai jisne dosti kar ke, saphere ko dasne ki koshish kee.
Vijay Dinanath Chavan:
Dushman se agar fayda ho, to usko apna dost bana lo. Tumhi bola tha na tumhare dhandhe ka ussool hai. Ussool hai ki nahi? Hhaein?
Kancha Cheena:
Mere dhandhe ka ussool to tum seekh gaya. Lekin anjaam tumne abhi dekha nahi hai.
Vijay Dinanath Chavan:
Anjaam abhi tum dekhega, malum? Tum dekhega anjaam. Pachees baras pehle tum is gaav mein aaya. Hhaein? Apna paap ka par fadfadaane. Kya se kya kar diya is gaav ko. Roshni bandh karke andhera kar diya. Ganda kar diya yeh mitti ko. Dekho, dekho. Aur idhar dekho, yeh, isko, dekho. Juari, sharabi bana diya hai in logo ko. Randi bana diya aurat logo ko. Udhar, woh chhota chhota bachcha, unka masoomiyat chheen ke gandi naali mein phenk diya, aur khud kidhar pahunch gaya. Hhaein? In logo ke sar pe chhat nahi hai, tum saala kaanch ka mahal mein rehta hai. Tan dhakne ke liye kapda nahi, tum saala roz kapda badalta hai. Aur abhi, anjaam ka baat karta hai. Hhaein? Anjaam nahi dekha.
Kancha Cheena:
Samjha. Ab samjha. Tum maandva kyon chaahte the? Dinkar Rao ko hataakar tum mujh tak pahunchna chaahte ho. Mere kapde pehanna chaahte ho. Kaanch ke mahal mein rehna chaahte ho. Magar ek galti tum bhi kiya, Vijay Chauhan. Tarakki ki bhookh mein tum do chaar kadam zyaada aage nikal gaya. Is gaav ke zameen par tumne kadam rakh diya. Yeh zameen, jahan se humne apni zindagi ki shuruat kee thi.
Vijay Dinanath Chavan:
Aye! Poora baat bolo. Poora baat bolo tum. Zindagi ka shuruat nahi, jurm ka jindagi ka shuruat. Samjha? Jurm ka jindagi. Ek masoom Master Deenanath ko kuchal ke.
Kancha Cheena:
Master Deenanath! Tumhe kaise malum?
Vijay Dinanath Chavan:
Kaancha, yeh jo tumhara dikhaave ka taakat hai na, yeh lohe ki tarah mazboot hai, lekin tumhara kaan saala, yeh saala kachcha kaanch ki tarah hai. Baat samajhta nahi hai tum. Yaad nahi rakhta. Pehli mulakat mein main tumko kya bola? Mera naam Vijay Deenanath Chauhan, poora naam. Samjha? Poora naam. Haan, abhi samjha, abhi samjha. Baaye haath se kaam karo to daaye haath ko malum nahi hona chahiye. Hhaein?
Kancha Cheena:
Tumko bhi pata nahi chalega ki kitni jaldi tum Master Deenanath ke raaste par chal pade ho.
Vijay Dinanath Chavan:
Aye, Kaancha, saala bandook bhi dikhaata hai aur peechhe bhi hatata hai. Hhaein? Peechhe nahi hatneka, Kaancha. Peechhe hatne se puraana zamaana laut kar nahi aanewala. Aanewala hai? Nahi. Tum phas gaya. Mere jaal mein ek maamooli mohre ki tarah tum phas gaya. Maat khaa gaya tum. Woh, udhar dekho. Dekho.
Police jeeps arrive and Inspector Pathan places a gun at Kaancha's temple.
Vijay Dinanath Chavan:
Chaahta to tumhare jism se khud jaan nikaal deta main. Magar Vijay Chauhan apne dushman ko itna aasaan maut nahi deta. Samjha? Pachees saal. Pachees saal main jalta raha tum tak pahunchne ke liye. Abhi tum jaao. Jaao saala yeh sarkaari kotri mein jalo jaake. Jaao.
Kancha Cheena:
Kacheri mein saboot ki zaroorat padti hai. Samjha?
Laila:
Saboot mere paas hai, Kaancha. Tumhari har jurm ka hisaab mere paas hai.
Kancha Cheena:
Laila? Tum bhi?
Laila:
Laila nahi, Shanti. Master Deenanath ko mitaane ke liye tumne Chandabai ki maa ka sahara liya tha. Vijay ne tumhe mitaane ke liye Chandabai ki beti ka sahara liya hai.
Kancha Cheena:
Chandabai ki beti?
Vijay Dinanath Chavan:
Haan, yeh, Shanti, Chandabai ki beti. Sawaal jis zabaan mein kiya jaaye, jawaab usee zabaan mein dena chahiye. Hhaein? Yeh apne dhandhe ka ussool hai, Kaancha.
Kaancha Cheena is dragged away by the police.
Kancha Cheena:
Vijay Chauhan, shaayad tum bhool gaye, pehli mulaakaat mein maine tumse kaha tha, gaddaari ki saza maut hai, sirf maut. Yaad rakhna is baat ko, yaad rakhna.
The villagers rush towards Vijay, pleadingly.