Deewaar
Scene #46 - Jab koi raasta naa ho to ek hi raasta hai
At Vijay's hiding place.
Santosh:
Vijay, tumhare liye ek bahut buri khabar hai.
Vijay Verma:
Bambai ki saari police mujhe dhoondh rahi hai, isse zyaada buri khabar kya ho sakti hai?Santosh:
Tumhari maa bahut beemaar hai, Vijay. Haan, woh hospital mein hai.
Vijay Verma:
Main maa se milne jaoonga.Santosh:
Kadam kadam par police hai. Tum wahan tak nahi pahunch sakte, Vijay.
At the hospital.
Sumitra Devi:
Vijay, Vijay.
Ravi waits outside, tense.
Veera:
Ravi, ab kaisi hai maaji?
Ravi Verma:
Veera, kabhi kabhi zindagi mein aisa waqt bhi aata hai ki samajh mein nahi aata ki kya sahi hai, kya galat hai. Ek taraf sochta hoon ki maa ko kis tarah is waqt uska beta laa doo. Aur doosri taraf khud maine aspataal ke chaaro taraf pulis laga rakhi hai ki agar Vijay Verma apni maa se milne aaye to usey fauran giraftaar kar diya jaaye. Veera, tum nahi jaanti ki in rago mein baap ke khoon ke saath saath, kuchh maa ka doodh hai, kuchh bhai ka paseena hai. Lekin iske baad bhi, jo kuchh bhi main kar raha hoon, kya woh sahee hai, kya woh theek hai?
Veera:
Hazaaro saal pehel Arjun ne Krishn se yehi sawaal kiya tha. Aur jaante ho, Krishn ne kya jawaab diya tha?
Ravi Verma:
Jaanta hoon, Veera. Jaanta hoon. Lekin jawaab sunne waala bhi koi aur nahi, Arjun tha. Lekin, main Arjun nahi hoon, main Arjun nahi hoon, Veera.
Vijay comes near the hospital in a white van. Anita goes into the van.
Anita:
Vijay, tumhaari apni maa tak pahunchna namumkin hai. Lagta hai police ko shq ho gaya hai ki tum yahan aa sakte ho. Police ke aadmi chaaro aur hain.
Vijay Verma:
Aur maa?
Anita:
Maine nurse se poochha tha, bahut serious hai.
Vijay Verma:
Oh! Aur main apni maa tak nahi pahunch sakta.
Anita:
Koi raasta nahi, Vijay.