Deewaar
Scene #11 - Pooja majboori se nahi shraddha se hoti hai
At the temple.
Vijay:
Maa, main mandir nahi jaoonga.
Sumitra Devi:
Arey, yeh tu kaisi baatein kar raha hai?
Vijay:
Mujhe bhagwaan se kuchh nahi chaahiye. Main mandir ke andar nahi jaaoonga.
Sumitra Devi:
Dekh, Vijay, agar tu mandir nahi jaayega na, to main tujhse kabhi bhi baat nahi karoongi, tujhe khaana tak nahi doongi. Samjhe?Pandit:
Kshama karna, behen. Isey mandir mein aane ke liye majboor na karo, is liye ki pooja majboori se nahi, shraddha se hoti hai. Jis din iske man mein shraddha jaagegi, apne aap aa jaayega. Jaao, bhagwan ke darshan kar lo.
Sumitra Devi:
Chal, Ravi.
Lots of bells ringing... symbolising the passage of time. The two kids become youths.
Ravi Verma:
Maa, ek baat bataao, yeh tum roz mandir mein aake bhagwan se maangti kya ho?
Sumitra Devi:
Main bataaoo?
Ravi Verma:
Hmm.
Sumitra Devi:
Tere liye sukh aur Vijay ke liye shaanti.
Ravi Verma:
Ha. Maa, ya to mere baare mein tum bhagwan se seriously baat karti nahi ho ya bhagwan tumhari baat seriously sunte nahi. Isliye to mujhe aaj tak naukri nahi mili.
Sumitra Devi:
Arey bete, ho sakta hai bhagwan tumhare liye koi achchhi naukri dhoondh rahe ho?
Ravi Verma:
Oh, to yeh chakkar hai. Vaise, maa, kal tum bhagwaan ke kaan mein yeh baat zaroor daal dena ki agar mujhe do dhai sau ki bhi naukri mile na, to main kar loonga.
Sumitra Devi:
Kya bolta hai tu?
Ravi Verma:
Ha ha, maa, thoda bahut mazaak kar leta hoon. Varna bhai ke jaise mera bhagwan se koi jhagda wagda nahi hai.
Enter Amitabh Bachchan, sitting on the temple steps, facing away.
Sumitra Devi:
Kitne saal ho gaye? Magar yeh... Tu isey samjhaata kyon nahi?
Ravi Verma:
Maa. Hmm, bas, bas tum yehi dekhti ho ki bhai tumhari mandir mein nahi aata. Lekin tumhare liye roz mandir ke seedhiyo par aakar baithata hai, yeh nahi dekhti ho. Aao, smchh, aao.
Vijay Verma:
Ho gayi tumhari puja? Chalo maa, jaldi karo, duty pe jaana hai.
Sumitra Devi:
Le prasaad kha. Le na.
Ravi Verma:
Oho, phir wohi roz ka problem. Bhai, maa prasad samajh kar tumhe khilaati hai. Tum mithaai samajh kar khaa liya karo. Huh? Maa bhi khush, tum bhi khush. Huh? Chal chal chal, chal chal chal chal chal. Aye, shaabaash. Chalo, idhar do, idhar. Dekho maa, ek main hi hoon jo mandir ka prasad kha kha kar mota ho raha hoon. Lekin naukri phir bhi nahi milti. Achchha, main jaata hoon. Das bajne waale hain. Employment exchange khul jaayega. Der se pahunchoonga to naukri nahi milegi. Achha maa.
Vijay Verma:
Achha maa.
Ravi Verma:
Achha bhai.
The two brothers take separate paths away from the temple. This proves to be another symbolic metaphor later on.