Sholay
Scene #12 - Tumhara naam kya hai Basanti
Basanti continues her stories.
Basanti:
...to ab samjho yeh ki maa baap to hamare pehle hi se nahin the.
Veeru:
Tch tch tch tch.
Basanti:
Aur phir mausa ke baad mausi aur taange ki jimmedari kispar aa gayi? Humpar aa gayi. Log humse yeh bhi kehte hain ki Basanti ladki hoke taanga chalati ho. To hum uska jawab yeh dete hain ki Dhanno ghodi hokar taanga kheench sakti hai to Basanti ladki hokar taanga kyun nahin chala sakti hai? Bolo.
Veeru:
To ismein kya baat hai. Sheher mein bhi to ladkiyaan motorgaadiyaan chalati hain, unhe koi kuch nahin kehta.
Basanti:
Hmmm. Rehnewale sheher ke ho lekin samajhdaar lagte ho. Kya naam hai?
Veeru:
Veeeru.
Basanti:
Tumne yeh nahin poocha ki hamara naam kya hai?
Jaidev:
Tumhara naam kya hai Basanti?
Veeru:
Chup be. Jab dekho bak bak bak bak bak bak karta rehta hai.
Basanti:
Yunki hamne aapse to baat nahin ki thi lekin humse pooch hi liya hai to hum bataye dete hain, hamara naam Basanti hai.
Jaidev:
Pehli baar suna hai yeh naam.
Veeru:
Basanti, bada pyara naam hai.
Basanti:
Hamara naam Basanti kyun rakha gaya iske peeche bhi ek baat hai.
Veeru:
Kya baat hai? Batao batao.
Basanti:
Hua yeh ki jab main choti si thi tab mausi ki devar ki saas ne kaha. Uhhh...
Veeru:
Kya kaha?
Basanti:
Ummm. Ki naam to yun har ek ka rakha jaata hai. Magar dekhne wali baat yeh hai... yeh chokri paida hui hai basant mein. Isliye iska naam basanti hona hi chahiye. Bas Dhanno ruk ja sabbas. Haan yeh rahi Thakur saab ki haweli.
Jai gets down from the tonga and takes out the cotton plugs from his ears.
Veeru:
Aa gayi?
Basanti:
Yunki kamal ho gaya, tum logon ki baaton mein raaste ka pata hi nahin chala.
Jaidev:
Haan hamein zara baat karne ki aadat zyada hai.
Veeru:
Yeh raha tumhara derh rupya.
Basanti:
Yunki tum aadmi to achche ho isliye tumse paisa lena to nahin chahiye. Lekin agar ghoda ghaas se dosti kar le to khaayega kya?
Veeru:
Uhhheehahah.
Basanti:
Isliye hum yeh derdh rupya le lete hain.
Jaidev:
Bahut meherbaani aapki.
Basanti Looks at Jai and then looks at Veeru and smiles.
Basanti:
Ehhhehh. Chal Dhanno palat, sabaas.
Ramlal, with an earthen pitcher in hand, notices them. Basanti leaves.
Veeru:
Haaaye. Kya pyari baatein karti hai.
Jaidev:
Pyari nahin bahut saari baatein karti hai, chal. Jahan ladki dekhi line lagana chalu, chal. Chal na.
Ramlal:
Aayiye aayiye. Aayiye.
Thakur comes out of a room.
Veeru:
Namaste Thakur saab.
Thakur Baldev Singh:
Yahan pahunchne mein takleef to nahin hui?
Veeru:
Uhhh. jeee... koi khaas nahin.
Thakur Baldev Singh:
Aayiye.
All of them move inside a room.